Tos combidamos a lo seminario “Introduzión ta ra lengua Aragonesa” dirichiu por Alberto Gracia Trell y Chuan Carlos Bueno Chueca. Iste ye o segundo d’o Ziclo de Seminarios sobre Lengua Aragonesa que ha organizau a Colla de Charradors O Corrinche de conchunta con o Centro Aragonés de Barcelona y a Universitat de Barcelona.

 
 
 
Alberto Gracia Trell (Uesca, 1985) ye un escritor en aragonés naixiu de . Diplomau en Machisterio, ha publicau bella cosa d’articlos y colaborazions en quantas revistas como Fuellas, Serrablo, Luenga & Fablas, Jacetania yAmbista, como: Notas sobre l’aragonés d’A Lueca de Chuana Coscujuela, Apuntes sobre el aragonés en Orna, Chusé Gracia escritor popular en aragonés, Felis Gil del Cacho autor d’o primer libro en aragonés tensino, “Chuana Coscujuela la escritora del pueblo” u “Lengua y vocabulario de Naval (Somontano de Barbastro) en la obra de Privato Cajal”.

Ye miembro d’o Consello d’a Fabla Aragonesa -an que ha impartito cursos de luenga aragonesa- y d’o consello de redacción d’a revista Fuellas. D’atra man, ha escrito bell relato curto como O cuento de Chusepet, que se reculle en o libro O despertar de l’onso, y ganó en 2009 o VI Concurso de relatos curtos “Luis del Val” con o relato Manimenos, lo fize.

Chuan Carlos Bueno Chueca (Calatayud, 1976) ye un lingüista y escritor aragonés que ha publicato quantas obras en aragonés y aragonés benasqués .

Licenciau en oczitano por a Universidá de Tolosa. Ha ganau quantos premios literarios, tanto de poesía como de ficzión, como lo premio d’a Universidá de Zaragoza de 2004, u lo premio “Hermanos Bécquer” de la DPZ en 2011, primer bez que un relato en aragonés ganaba un premio en competencia con relatos en luenga castellana.

L’anyo 2006 fixaba la suya residenzia en a Bal de Benás, pero dende 2012 ye profesor d’oczitán y luenga castellana en o sur de Francia.

Ye miembro d’a Sociedat de Lingüistica Aragonesa/SLA y colaborador de la suya rebista De Lingua Aragonensi/SLA. Articulista en aragonés benasqués pa la revista Arainfo, publicó bels textos de creación propia en a rebista Fuellas, baixo lo suyo nombre como con seudonimo.

 
 
Que se ferá en a biblioteca d’o CAB
O Sabado, diya 12 de Marzo (10:00-18:00)
 
Con a direzión de:
Alberto Gracia Trell y Chuan Carlos Bueno Chueca
 
Iste seminario quiere estar una finestra batalera ta ra lengua aragonesa.
Si tenez conoxius sensibles a ras cuestions lingüisticas, combidar-los a benir!
Estará sin de dandalo una sobrebuena ocasión pa amanar-se y charrar de l’aragonés.
 
Pa  inscribir-se cal seguir as inscrizions que trobarez aquí: 
 
Si tenez bella cuestión, podez fer-la ta ista direzión d’email: aragonesgue@centroaragones.org
 
Sabado 12 de marzo, 10 oras.
Centro Aragonés de Barcelona
Joaquín Costa, 68
Tel. 93 317 58 54