Quiesta alunnalla, sozios y amigos de Ligallo de Fablans de Zaragoza:

Nos enfuelga saber rematar una añada más os cursos d’aragonés en iste 2013. Son intes rarizos en que por un costau o Gubierno d’Aragón imposa una lei que no reconoxe l’aragonés y por atro, as asoziazions más importans que treballamos por ista lengua consiguen amanar-sen y alcordar unos menimos de colaborazión en a Mesa d’Almudébar.

Ta zelebrar que continamos en a endrezera correuta, Ligallo de Fablans de Zaragoza quiere organizar ta iste sabado 8 de chulio una gambadeta ta Albalate de l’Arzebispe.

Á las 11 oras entraremos á besitar o Museu de o Centro de la Cultura Popular organizato por Biella Nuei http://www.comarcabajomartin.com/turismo/museos.php con a charrada en aragonés de o sozio de Fablans Zaragoza Chesús Navarro, fillo d’Albalate.

Dimpués chentaremos en o Rincón de Albalate

http://www.youtube.com/watch?v=scBP_bCs_hY  https://plus.google.com/115729221250445948356/about?gl=es&hl=es con menú, postre y café incluyitos.

A dentrata de o museu y a chenta balen 16 Euros.

     En bel inte repartiremos os diplomas á l’alunnalla que ha rematau o curso d’aragonés de primer, segundo ran y distanzia.

Alto u baxo, cuesta una ora plegar en auto dende Zaragoza. Se ruega puntualidá.

Si te sobran plazas en o coche tuyo u no tiens traza de biachar, mete-te en contauto con nusatros.

Ista embitazión ye ubierta ta sozios y amigos de Fablans Zaragoza. Puedes embitar a qui quieras.

Reserbas ta la gambadeta (chenta y/u museu) ANTIS DE O CHUEBES en <fablanszaragoza (arrova) gmail.com> .
Ligallo de Fablans de Zaragoza.